Jaguar Land Rover do të ndalojë dërgesat e makinave të saj të prodhuara në Britani në Shtetet e Bashkuara për një muaj, tha kompania të shtunën, teksa shqyrton se si të zbusë koston e tarifës prej 25% të Presidentit Donald Trump.

Kompania, e cila është në pronësi të Tata Motors të Indisë, konfirmoi pezullimin e përkohshëm të eksportit pasi gazeta “Times” raportoi planin.

“Ndërsa punojmë për të adresuar kushtet e reja të tregtimit me partnerët tanë të biznesit, ne po ndërmarrim disa veprime afatshkurtra, duke përfshirë një pauzë të dërgesës në prill, ndërsa zhvillojmë planet tona afatmesme dhe afatgjata”, tha JLR në një deklaratë me email.

Industria e makinave në Britani, e cila punëson 200,000 njerëz drejtpërdrejt, është shumë e ekspozuara ndaj tarifave të reja. Shtetet e Bashkuara janë importuesi i dytë më i madh i makinave të prodhuara në Britani pas Bashkimit Evropian, me një pjesë prej gati 20%, tregojnë të dhënat nga organi i industrisë SMMT.

Britania ka thënë se është e fokusuar në përpjekjen për të siguruar një marrëveshje tregtare me Uashingtonin. /